mal longtemps, qu'à sa faulte ». Qui n'a le cœur de souffrir ny la mort ny la vie; qui ne veult ny resister ny fuyr: que luy feroit on?

E

CHAPITRE XLI.

De ne communiquer sa gloire.

le

De toutes les resveries du monde, la plus receue et plus universelle est le soing de la reputation et de la gloire, que nous espousons iusques à quitter les richesses, repos, la vie et la santé, qui sont biens effectuels et substantiaux, pour suyvre cette vaine image et cette simple voix qui n'a ny corps ny prinse :

La fama, ch'invaghisce a un dolce suono
Gli superbi mortali, e par sì bella,

È un' eco, un sogno, anzi d'un sogno un'ombra
Ch' ad ogni vento si dilegua e sgombra. (1)

et des humeurs desraisonnables des hommes, il semble que les philosophes mesmes (a) se desfacent plus tard et plus envy de cette cy que de nulle aultre; c'est la plus revesche et opiniastre ; quia etiam bene proficientes animos tentare non cessat (2). Il n'en est gueres de laquelle la raison

(1) La renommée, qui par la douceur de sa voix enchante les superbes mortels, et paroît si ravissante, n'est qu'un écho, un songe, ou plutôt l'ombre d'un songe, qui se dissipe et s'évanouit en un moment. Tasso, Gerusalem. liber. c. 14, st. 63.

(a) Etiam sapientibus, cupido gloriæ novissima exuitur, dit Tacite, hist. 1. 4, cap. 6. Je doute que Montaigne ait eu en vue ce passage; car il est si beau, que s'il l'eût eu dans l'esprit, je crois qu'il n'auroit pu s'empêcher de le citer. C.

(2) Parcequ'elle ne cesse de tenter ceux-là même qui ont fait

accuse si clairement la vanité; mais elle a ses racines si vifves en nous, que ie ne sçais si iamais aulcun s'en est peu nettement descharger. Aprez que vous avez tout dict et tout creu pour la desadvouer, elle produict contre vostre discours une inclination si intestine, que vous avez peu que tenir à l'encontre : car, comme dict Cicero, ceulx mesmes qui la combattent, encores veulent ils que les livres qu'ils en escrivent portent au front leur nom, et se veulent rendre glorieux de ce qu'ils ont mesprisé la gloire. Toutes aultres choses tumbent en commerce: nous prestons nos biens et nos vies au besoing de nos amis; mais de communiquer son honneur, et d'estrener aultruy de sa gloire, il ne se veoid gueres. Catulus Luctatius en la guerre contre les Cimbres, ayant faict touts ses efforts d'arrester ses soldats qui fuyoient devant les ennemis, se meit luy mesme entre les fuyards, et contrefeit le couard, à fin qu'ils sem blassent plustost suyvre leur capitaine que fuyr l'ennemy: c'estoit abandonner sa reputation pour couvrir la honte d'aultruy. Quand Charles cinquiesme passa en Provence l'an mil cinq cent trente sept, on tient que Antoine de Leve, voyant l'empereur resolu de ce voyage, et l'estimant luy estre merveilleusement glorieux, opinoit toutesfois le contraire et le desconseilloit, à cette fin que toute la gloire et honneur de ce conseil en feust attribué à son maistre, et qu'il feust dict, son bon advis et sa prevoyance avoir esté telle que, contre l'opinion de touts, il eut mis à fin une si belle entreprinse : qui estoit l'honorer à ses despens. Les ambassadeurs thraciens consolants Archileonide, mere de Brasidas, de la mort de son fils, et le hault louants insques à dire qu'il n'avoit point laissé son pareil; elle refusa cette louange privee et particuliere, pour la rendre au public : « Ne me dictes pas cela, feit elle, ie sçais

des progrès considérables dans la vertu. D. August. de Civitate Dei, l. 5, ch. 14.

que la ville de Sparte a plusieurs citoyens plus grands et plus vaillants qu'il n'estoit ». En la battaille de Crecy (a), le prince de Gales encores fort ieune avoit l'avant garde à conduire; le principal effort du rencontre feut en cet endroict: les seigneurs qui l'accompaignoient se trouvants en dur party d'armes, manderent au roy Edouard de s'approcher pour les secourir. Il s'enquit de l'estat de son fils; et luy ayant esté respondu qu'il estoit vivant et à cheval : « Le luy ferois, dict il, tort de luy aller maintenant desrober l'honneur de la victoire de ce combat qu'il a si long temps soustenu; quelque hazard qu'il y ayt, elle sera toute sienne » : et n'y voulut aller ny envoyer, sçachant, s'il y feust allé, qu'on eust dict que tout estoit perdu sans son secours, et qu'on luy eust attribué l'advantage de cet exploict. Semper enim quod postremum adiectum est, id rem totam videtur traxisse (1). Plusieurs estimoient à Rome, et se disoit communement, que les principaulx beaux faicts de Scipion estoient en partie deus à Laelius, qui toutesfois alla tousiours promouvant et secondant la grandeur et gloire de Scipion sans aulcun soing de la sienne. Et Theopompus, roy de Sparte, à celny qui luy disoit que la chose publicque demeuroit sur ses pieds pour autant qu'il sçavoit bien commander: « c'est plustost, dict il, parce que le peuple sçait bien obeir.

Comme les femmes qui succedoient aux pairies avoient, nonobstant leur sexe, droict d'assister et opiner aux causes qui appartiennent à la iurisdiction des pairs: aussi les pairs ecclesiastiques, nonobstant leur profession, estoient tenus d'assister nos roys en leurs guerres, non seulement de leurs amis et serviteurs, mais de leur per

(a) Donnée en 1346.

(1) Car toujours les troupes qui surviennent les dernieres au combat semblent avoir entièrement décidé l'affaire. Tit. Liv. 1. 27, c. 45, edit. Gronov.

sonne aussi. L'evesque de Beauvais se trouvant avecques Philippe Auguste en la battaille de Bouvines (a), participoit bien fort courageusement à l'effect; mais il luy sembloit ne devoir toucher au fruict et gloire de cet exercice sanglant et violent. Il mena de sa main plusieurs des ennemis à raison, ce iour là ; et les donnoit, au premier gentilhomme qu'il trouvoit, à esgosiller ou prendre prisonniers, luy en resignant toute l'execution : et le feit ainsi de Guillaume comte de Salsberi à messire Iehan de Nesle: d'une pareille subtilité de conscience à cette aultre, il vouloit bien assommer, mais non pas blecer, et pourtant ne combattoit que de masse. Quelqu'un en mes iours estant reproché par le roy d'avoir mis les mains sur un presbtre, le nioit fort et ferme.: c'estoit qu'il l'avoit battu et foulé aux pieds.

CHAPITRE XLII.

De l'inequalité qui est entre nous.

PLUTARQUE dict, en quelque lieu, qu'il ne treuve point si grande distance de beste à beste, comme il treuve d'homme à homme. Il parle de la suffisance de l'ame et qualitez internes. A la verité, ie treuve si loing d'Epami nondas, comme ie l'imagine, iusques à tel que ie cognois, ie dis capable de sens commun, que i'encherirois volontiers sur Plutarque; et dirois, qu'il y a plus de distance de tel à tel homme, qu'il n'y a de tel homme à telle beste; Hem! vir viro quid præstat! (1)

et qu'il y a autant de degrez d'esprits, qu'il y a d'icy au

(a) Donnée en 1214, entre Lisle et Tournay.

(1) Ah! de combien un homme l'emporte sur un autre homme! Terent. Eunuch. act. 2, sc. 3, v. 1.

ciel de brasses, et autantinnumerables. Mais, à propos de l'estimation des hommes, c'est merveille que, sauf nous, aulcune chose ne s'estime que par ses propres qualitez. Nous louons un cheval de ce qu'il est vigoreux et adroict,

Volucrem

Sic laudamus equum, facili cui plurima palma
Fervet, et exsultat rauco victoria circo, (1)

non de son harnois; un levrier, de sa vistesse, non de son collier; un oyseau, de son aile, non de ses longes et sonnettes: pourquoy de mesme n'estimons nous un homme par ce qui est sien? Il a un grand train, un beau palais, tant de credit, tant de rente: tout cela est autour de luy, non en luy. Vous n'achetez pas un chat en poche: si vous marchandez un cheval, vous luy ostez ses bardes, vous le voyez nud et à descouvert; ou s'il est couvert, comme on les presentoit anciennement aux princes à vendre, c'est par des parties moins necessaires, à fin que vous ne vous amusiez pas à la beauté de son poil ou largeur de sa croupe, et que vous vous arrestiez principalement à considerer les iambes, les yeulx et le pied, qui sont les membres les plus utiles,

Regibus hic mos est: ubi equos mercantur, opertos
Inspiciunt; ne, si facies (ut sæpè) decora

Molli fulta pede est, emptorem inducat hiantem

Quòd pulchræ clunes, breve quòd caput, ardua cervix : (2) pourquoy estimant un homme l'estimez vous tout enve

(1) Ainsi l'on fait cas d'un cheval agile et plein de feu, qui dans le cirque a remporté plusieurs fois le prix de la course. Juvenal. sat. 8, v. 57, et seqq.

(2) Lorsque les princes veulent acheter des chevaux, ils les examinent couverts, de peur que si le cheval a les pieds mauvais et la tête belle, comme il arrive souvent, l'acheteur ne se laisse séduire en lui voyant une croupe arrondie, une petite tête,et une encolure relevée. Horat. sat. 2, l. 1, v. 86, et seqq.