non valieron nada. E el menor fue el conde Fernand Gonçalez que mantuvo a Castilla muy grand tiempo. E ovo de aver contienda con el rey don Sancho Ordoñes de Navarra. E este rey don Sancho Ordoñes fiso vistas con el conde Fernand Gonçales en un lugar que dicen Vañares. E yendo el conde seguro prissol el rey en engaño e llevólo presso a Tudela de Navarra. E yasiendo el conde presso sacólo doña Costança, hermana del rey don Sancho Ordoñes. E yasiendo el conde en los fierros tomóle la infanta a sus cuestas e dió con él en un monte. E encontraron a un arcipreste de ay de Tudela de Navarra. E dixo que si la infanta non le fisiesse amor de su cuerpo, que los descobrerya. E la infanta fue abraçarlo. E teniendole la infanta abraçado llegó el conde con sus fieros e matólo con el su cuchillo mismo del arcipreste. E tendiendo la infanta los ojos vió venir grandes poderes. E dixo al conde: "Muertos somos ¡ mal pecado! ca haevos aquí los poderes del rey don Sancho mi hermano." E el conde tendió los ojos, e fue los poderes divissando, e conoció los poderes, e fue muy ledo e muy pagado, e dixo a la infanta: "Esta es Castilla que me suele bessar la mano." E la infanta paró las cuestas. E cavalgó muy privado en la mula del arcipreste, el conde. E de pie yva la infanta. E salió del monte privado; e quando lo vieron los castellanos, todos se maravillaron. Mas nol bessaron la mano, nin señor non llamaron; ca avian fecho omenage a una piedra que traxieron en'l carro, que trayan por señor fasta que fallaron al conde. E tornaron la piedra a semblança del monte de Oca, al logar donde la sacaron.

5

E todos al conde por señor le besaron la mano,

Este conde Fernand Gonçales, despues que en Cas[tilla fue alçado, Mató al rey Sancho Ordoñes de Navarra, e el fuera [en degollarlo con su mano.

E non queria obedecer el conde a moro nin cristiano E enbiol desir al rey de Leon, fijo de don Suero de [Casso

ΤΟ

15

20

25

30

don Alfonso avia por nombre. El rey enbió al conde
[enplasarlo,

quel veniesse a vistas, e fue el conde muy pagado,
Cavalgó el conde commo ombre tan losano.

E a los treynta dias contados fue el conde al plaso.
El plaso fue en Saldaña, e conmençóle él a pre-
[guntarlo:

"E

yo maravillado me fago, conde, como sodes ossado de non me venir á mis cortes, nin me bessar la mano; Ca siempre fue Castilla de Leon tributario;

Ca Leon es reyno e Castilla es condado."
Essas oras dixo el conde: "Mucho andades en vano.
Vos estades sobre buena mula gruessa, e yo sobre buen
[cavallo.
Porque vos yo sofrí, me fago mucho maravillado,
en aver señor Castilla e pedirle vos tributaryo."
Essas oras dixo el rey: "En las cortes será jusgado,
Si obedecerme devedes; sinon, fincadvos en salvo.”
Essas oras dixo el conde: "Lleguemos y privado"
En Leon son las Cortes. Llegó el conde losano
Un cavallo lieva preciado e un asor en la mano.
E comprógelo el rey por aver monedado.

En treynta e cinco mill maravedis fue el cavallo e el
[asor apreciado

Al gallarin gelo vendió el conde, que gelo pagasse a
[dia de plazo.

Largos plasos passaron que no fue el conde pagado;
nyn quiria yr a las cortes, a menos de entregarlo.
Con fijos e con mugieres Castellanos van a las Cortes
[de Leon,

E conde Fernan Gonsales dixo al rey atanto:
"Rey, non verné á vuestras cortes, a menos de ser
[pagado

del aver que me devedes, de mi azor e de mi cavallo."
Quando contaron el aver, el rey non podia pagarlo.

35

40

Tanto creció el gallaryn que lo non pagaría el reynado.
Venieron a abenencia el rey e el conde losano,

que quitasse a Castilla: el conde fue mucho pagado
Plogol al conde quando oyó este mandado.
Assy sacó a Castilla el buen conde don Fernando,
aviendo guerra cón moros e con christianos a toda
[parte de todo su condado.
Avia el conde un fijo que Garci Fernandez fue lla-
[mado.

280 El conde don Gomes e Gormas a Diego Laynes fiso fferiole los pastores, e robóle el ganado.

[daño

A Bivar llegó Diego Laynes, al apellido fue llegado. El enbiólos rrecebir a sus hermanos, e cavalga muy [privado

Ffueron correr a Gormas, quando el sol era rayado. 285 Quemaronle el arraval.e comensaronle el andamio e traen los vasallos e cuanto tiene en las manos; e traen los ganados quantos andan por el campo; e traenle por dessonrra las lavanderas que al agua [estan lavando.

Tras ellos salió el conde con cient cavalleros fijos

290 rebtando a grandes boses a fijo de Layn Calvo,

[dalgo.

"Dexat mis lavanderas, fijo del alcalde cibdadano,
ca a mi non me atenderedes a tantos por tantos, por
[cuanto el está escalentado."

Redro Ruy Laynes, señor que era de Faro:
"Cyento por ciento vos seremos de buena miente e al
[pulgar."

295 Otorganse los omenajes que fuessen y al dia de plaso.
Tornanle de las lavanderas e de los vassallos:
mas non le dieron el ganado, ca se lo querien tener por
[lo que el conde avia levado.

E los nueve dias contados cavalgan muy privado.

Rodrigo, fijo de don Diego, e nieto de Layn Calvo. 300 E nieto del Conde Nuño Alvares de Amaya, e visnieto [del rey de Leon

305

310

dose años avia por cuenta, e aun los trese non son; nunca se viera en lit, ya quebravale el corason. Cuéntasse en los cien lidiadores, que quiso el padre o [que non

[son.

E los primeros golpes suyos e del conde don Gomes
Paradas están las hases, e comiensa á lidiar.
Rodrigo mató al conde, ca non lo pudo tardar.
Venidos son los ciento e pienssan de lidiar
Empos ellos salió Rodrigo, que los non da vagar.
Prisso a dos fijos del conde a todo su mal pessar,
a Hernan Gomes, e Alfonso Gomes e trajolos a Bivar.
Tres fijas habia el conde, cada una por cassar;

e la una era Elvira Gomes, e la mediana Aldonsa
Gomes, e la otra Ximena Gomes la menor.
Quando sopieron, que eran pressos los hermanos e que
[era muerto el padre

paños bisten brunitados e velos a toda parte

315 (estonce la avian por duelo; agora por goso la traen)

320

325

Salen de Gormas, e vanse para Bivar.

Viólas venir don Diego, e a recibirlas sale.

¿Dónde son aquestas freyras que algo me vienen de

[mandar ?

"Desirvos hemos, señor, que non avemos porque vos

[lo negar. Ffijas somos del Conde don Gormas, e vos le man[dastes matar.

Prissistesnos los hermanos, e tenedeslos aca.
E nos mugieres somos, que no hay quien nos ampare.”
Essas oras dixo don Diego: "No devedes a mi culpar;
peditlos a Rodrigo, sy vos los quisiere dar,
Prometolo yo a Christus, a mi non me puede pessar."
Aquesto oyó Rodrigo, comensó de fablar:

"Mal fesiste, señor, de vos negar la verdat
que yo seré vuestro fijo, e seré de mi madre.

Parat mientes al mundo, señor, por caridat.
330 Non han culpa las fijas por lo que fiso el padre.
Datles a sus hermanos, que muy menester los ham
Contra estas dueñas mesura devedes catar.....”

DISPUTA DEL ALMA Y EL CUERPO

5

ΙΟ

Si quereedes oir lo que uos quiero dezir,
dizré uos lo que ui, nol uos i quedo fallir.
Un sabado esient, domingo amanezient

ui una gran uision en mio leio dormient:
eram'asemeiant que so un lenzuelo nueuo
jazía un cuerpo de uemne muerto;

ell alma era fuera e fuert mientre que plera,
ell alma es ent esida, desnuda ca non uestida,
e guisa d'un jfant fazie duelo tan grant.
Tan grant duelo fazie al cuerpo maldizie,
fazi tan grant de duelo e maldizie al cuerpo
al cuerpo dixo ell alma: de ti lieuo mala fama !
tot siempre t'maldizré, ca por ti penaré

que nunca fecist cosa que semeias fermosa,
15 ni de nog ni de dia de lo que yo queria;
nunca fust a altar por j buena oferda dar
ni diezmo ni primicia ni buena penitencia;
ni fecist oración nunca de corazón,
cuando iuas all elguesia asentauaste a conseia,
y fazies tos conseios e todos tos(dos) trebeios;
apostol ni martjr nunca quisist seruir,

20

iuré par la tu tiesta que non curaries fiesta,
nunca de nigun santo no curest so disanto

mas not faran los santos aiuda mas que a una bestia

[muda;