REGILLUS.

Carmen Heroicum

AUCTORE

GULIELMO ERNESTO BOLLAND.

LATIN HEXAMETERS.

Hoc modo ad lacum Regillum pugnatum est.

Nec deus intersit, nisi dignus vindice nodus
Inciderit-

Felix qui geminos media inter prælia fratres
Tyndaridas vidit; necnon et navita felix,
Qui simul ac vastos volvunt ad litora fluctus
Una Eurusque Notusque atras agitantque procellas
Heroas geminos vidit considere velis;
Ille suos repetet fuso dux hoste Penates
Scilicet inque suâ lætos aget urbe triumphos;
Hic patriæ fines tutus portusque reviset,
Puppibus et meritas imponet rite coronas.

Hinc juvat in sedes sollennibus ire diebus Marmoreas Fratrum gratesque ostendere vitæ Sospitis, hinc delubra colunt cum thure frequentes Servatis matres medio in certamine natis. Maxima sed templum celebrare frequentia, Castor, Idibus, alme, tuum gaudet Quinctilibus; aræ Larga tuæ tum dona ferunt; tunc ordine longo Edibus e vestris, Fratres, per strata viarum Incedunt equites ostroque auroque decori, Turbaque progressos vestrum comitatur honorem.*

* Cf. Æn. xi. 61.

Ultima regna olim Romanæ gentis habebat Tarquinius; mihi quid versu memorare necesse est Quot scelera ipse manu confecerit ? ordine cædes Infandas quæ causa loqui? nonne improba Sexti Accendit vel adhuc nos decantata libido? Perdidit illa tamen regem victoria; fessi Tarquinium tandem cives infanda furentem Armati circumsistunt ipsumque domumque. Ille inter cædes sociorum elapsus in agros Confugit et præceps peregrini limina quærit. Quotquot erant Tuscis reges totidem arma ferebant Sed frustra auxilium; quid tu, Porsenna, jubebas Accipere ejectum, et dira obsidione premebas Eneadas? sed fata vetant et Jupiter æquus. Ille, viden,' dextras sociato fœdere jungit Romanis; quæ nunc spes est tibi certa, Superbe ? Nec mora, triginta fugientem terra Latina Urbibus excepit, necnon socialibus armis Protinus in trepidos exardet tota Quirites, Reddere si possint in sedem et sceptra tyrannum.

Primus inis bellum Latiæ tu gloria gentis
Tuscule dux, omnes præstanti corpore vincis
Ingenioque omnes. Illi galea aurea flammam
Insolitas vomit et longe sub sole corusco
Sanguinea vibrat nutanti in nubila luce.

Difficili tum gaudet equo, roburque juventæ
Mamilius vocat in pugnam; tum purpura supra
Mollis inauratam dependens celat amictu

Loricam, Syriis devexum munus ab oris.
Proximus huic Tullus, Volscis dux inclytus, ipse
Auxilium Arpinas addit, juvenilibus armis
Si liceat regi succurrere; sed mala fati
Auferet et citius sors funere merget acerbo.