disent, que

advenue, et les moyens qu'il en allegue, on s'en peult mocquer; et de ce mesme que nos annales

le pape Honorius, le propre iour que

le roy Philippe Auguste mourut à Mante, feit faire ses funerailles publicques, et les manda faire par toute l'Italie : car l'auctorité de ces tesmoings n'a pas à l'adventure assez de reng pour nous tenir en bride, Mais quoy! si Plutarque, oultre plusieurs exemples qu'il allegue de l'antiquité, dict sçavoir de certaine science que, du temps de Domitian, la nouvelle de la battaille perdue par Antonius en Allemaigne, à plusieurs iournees de là', feut publiee à Rome, et semee par tout le monde, le mesme iour qu'elle avoit esté perdue; et si Cesar tient qu'il est souyent advenu que la renommee a devancé l'accident’, dirons nous pas que ces simples gents là se sont laissez piper aprez le vulgaire, pour n'estre pas clairvoyants comme nous? Est il rien plus delicat, plus net et plus vif que

le iugement de Pline, quand il luy plaist de le mettre en ieu? rien plus esloingné de vanité ? ie laisse à part l'excellence de son sçavoir, duquel ie foys moins de compte: en quelle partie de ces deux là le surpassons nous? toutesfois il n'est si petit escho

lier qui ne le convainque de mensonge, et qui ne luy veuille faire leçon sur le progrez des ouvrages

de nature.

Quand nous lisons dans Bouchet les miracles des reliques de sainct Hilaire, passe; son credit n'est pas assez grand pour nous oster la licence d'y contredire mais de condamner d'un train toutes pareilles histoires, me semble singuliere impudence. Ce grand sainct Augustin tesmoingne' avoir veu, sur les reliques sainct Gervais et Protaise à Milan, un enfant aveugle recouvrer la veue; une femme, à Carthage, estre guarie d'un cancer par le signe de la croix qu'une femme nouvellement baptisee luy feit; Hesperius, un sien familier, avoir chassé les esprits, qui infestoient sa maison, avecques un peu de terre du sepulchre de nostre Seigneur; et cette terre depuis transportee à l'eglise, un paralytique en avoir esté soubdain guary; une femme en une procession ayant touché à la chasse sainct tienne, d'un bouquet, et de ce bouquet s'estant frotté les yeulx, avoir recouvré la veue pieça perdue; et plusieurs aultres miracles, où il dict luy mesme avoir assisté de quoy accuserons nous et luy et deux saincts evesques Aurelius et Maximinus, qu'il appelle pour ses recors'? sera ce d'ignorance, simplesse, facilité? ou de malice et imposture? Est il homme en nostre 'De Civit. Dei, XXII, 8. C.

1 Témoins. Recors, du verbe latin recorduri, se souvenir. €.

siecle si impudent, qui pense leur estre comparable, soit en vertu et pieté, soit en sçavoir, iugement et suffisance ? qui ut rationem nullam afferrent, ipsa auctoritate me frangerent'.

C'est une hardiesse dangereuse et de consequence, oultre l'absurde temerité qu'elle traisne quand et soy,

de mespriser ce que nous ne concevons pas : car aprez que, selon vostre bel entendement, vous avez estably les limites de la verité et de la mensonge, et qu'il se treuve que vous avez necessairement à croire des choses où il y a encores plus d'estrangeté qu'en ce que vous niez, vous vous estes desia obligé de les abandonner. Or, ce qui me semble apporter autant de desordre en nos consciences, en ces troubles où nous sommes de la religion, c'est cette dispensation

que les catholiques font de leur creance. Il leur semble faire bien les moderez et les entendus quand ils quittent aux adversaires aulcuns articles de ceulx qui sont en debat; mais, oultre ce qu'ils ne veoyent pas quel advantage c'est à celuy qui vous charge, de commencer à luy ceder et vous tirer arriere, et combien cela l'anime à poursuyvre sa poincte; ces articles là, qu'ils choisissent pour les plus legiers, sont aulcunefois tresimportants. Ou il fault se soubmettre du tout à l'auctorité de nostre police ecclesiastique, ou du tout s'en dispenser : ce n'est pas à nous à · Quand même ils n'apporteroient aucune raison,

establir la part que nous luy debvons d'obeissance. Et davantage, ie le puis dire

l'avoir essayé, ayant aultrefois usé de cette liberté de mon chois et triage particulier, mettant à nonchaloir certains poincts de l'observance de nostre Eglise qui semblent avoir un visage ou plus vain ou plus estrange; venant à en communiquer aux hommes sçavants, i'ay trouvé que ces choses là ont un fondement massif et tressolide, et que ce n'est que bestise et ignorance qui nous faict les recevoir avecques moindre reverence que le reste. Que ne nous souvient il combien nous sentons de contradiction en nostre iugement mesme! combien de choses nous servoient hier d'articles de foy, qui nous sont fables auiourd’huy! La gloire et la curiosité sont les fleaux de nostre ame: cette cy nous conduict à mettre le nez par tout; et celle là nous deffend de rien laisser irresolu et indecis.

CONTENUES

DANS CE VOLUME.

AVERTISSEMENT DE L'ÉDIteur.

Page j

V

DISCOURS SUR LA VIE ET LES OUVRAGES DE MONTAIGNE.

ESSAIS.

L'AUCTEUR AU LECTEUR.

LIVRE PREMIER.

CHAP. I. Par divers moyens on arrive à pareille fin.
CHAP. II. De la tristesse.

3

II

CHAP. III. Nos affections s'emportent au delà de nous. 18
CHAP. IV. Comme l'ame descharge ses passions sur
des obiects fauls, quand les vrays luy defaillent.
CHAP. V. Si le chef d'une place assiegee doibt sortir

pour parlementer.

CHAP. VI. L'heure des parlements, dangereuse.

32

37

42

CHAP. VIII. De l'oysifveté.

CHAP. IX. Des menteurs.

CHAP. VII. Que l'intention iuge nos actions.

CHAP. X. Du parler prompt, ou tardif.

CHAP. XI. Des prognostications.

CHAP. XII. De la constance.

47

50

52

62

66

73

CHAP. XIII. Cerimonie de l'entrevue des roys.

CHAP. XIV. On est puny pour s'opiniastrer à une

place sans raison.

CHAP. XV. De la punition de la couardise.

78

CHAP. XVI. Un traict de quelques ambassadeurs.