Imágenes de página
PDF
ePub

Athol banks and braes are bonny,

Fairer nane in Caledony;

But a' her woods, an' sweetest summers,

Canna please like Athol Cummers.

Duncan lad, &c.

WILLIE WASTLE.

TUNE--Macfarlane's Reel.

WILLIE WASTLE lo'ed a lass
Was bright as ony rainbow!
A pretty dear I wat she was,
But saucy an' disdainfu';
She cortit was by many a lad,

Wha teas'd her late an' early;
An' a' the wiles that Willie had
Could scarcely gain a parley.

The western sea had drown'd the sun;
The sternies blinkit clearly;

The moon was glentin' o'er the glen ;
To light him to his deary.

She dwalt amang the mountains wild,
Nae wood nor bower to shade her;
But O! the scene look'd sweet an' mild,
For luve o' them that staid there.

The cock that craw'd wi' yelpin' voice,
Nae claronet sae grand, O;
The bonny burnie's purlin' noise

Was sweet as the piano.

The little doggy at the door,

Into his arms he caught it,

An' hugg'd an' sleek'd it o'er an' o'er
For luve o' them that aught it.

The house was thrang, the night was lang,
The auld gudewife bethought her,
To tak a lair was naething wrang
Beside her bonny doughter.
Sly Willie enter'd unperceiv'd
To wake his charming Annie,
An' straight his jealous mind believ'd
The wife was shepherd Sawny.

Though milder than the southern breeze,
When July's odours waftin',
Yet now his passion made a heeze,
An' a' his reason left him;

He gae the kerlin sic a swinge,
He didna stand on prattlin',

Till down her throat, like birstled beans
He gart her teeth gang rattlin'.

The doggy fawn'd, but gat a drub
Frae Willie's hand uncivil;
The burn was grown a drumly dub;
The cock a scirlin' devil.

The place appear'd a wilderness,
A desart, dank an' dreary;
For O! alas! the bonny lass
Nae mair could mak it cheery!

O love! thou ray of life divine!
If rosy virtue guide thee,

What sense or feeling half sae fine.
What blessings too abide thee!
But jealousy, thy neighbour sour,
Deforms the finest feature,
An' maks a gloomy shade to lour
O'er fairest scenes in nature.

WHEN MAGGY GANGS AWAY.

O WHAT Will a' the lads do
When Maggy gangs away?
O what will a' the lads do
When Maggy gangs away?
There's nae heart in a' the glen
That disna dread the day.
O what will a' the lads do
When Maggy gangs away?

Young Jock has taen the hill for't-
A waefu' wight is he;
Poor Harry's taen the bed for't,
An' laid him down to dee;
An' Sandy's gane unto the kirk,

And learnin' fast to pray.
And, O, what will the lads do

When Maggy gangs away?

The young laird o' the Lang-Shaw
Has drunk her health in wine;
The priest has said-in confidence-
The lassie was divine-

And that is mair in maiden's praise
Than ony priest should say:

But, O, what will the lads do
When Maggy gangs away?

The wailing in our green glen
That day will quaver high,
'Twill draw the redbreast frae the wood,
The laverock from the sky;
The fairies frae their beds o' dew

Will rise an' join the lay

An' hey! what a day will be

When Maggy gangs away!

AULD JOHN BORTHICK.

TUNE-The Toper's Delight.

AULD John Borthick is gane to a weddin',
Frae Edinburgh owr to the east neuk o' Fife;
His cheeks they war thin, an' his colour was fadin',
But auld John Borthick was mad for a wife.
His heart was as light as the lammie's in July,
An' saft as the mushroom that grows on the lee ;

« AnteriorContinuar »