Imágenes de página
PDF
ePub

Her cherry cheeks, an' een sae clear,
Harass me late an' early, O.
O! love! love! laddie.
Love's like a dizziness!
It winna let a puir body
Gang about his business.

To tell my feats this single week
Wad mak a curious diary, O:
I drave my cart against a dyke,
My horses in a miry, O:

I wear my stockings white and blue,
My love's sae fierce an' fiery, O:

I drill the land that I should plough,

An' plough the drills entirely, O.-O! love! &c.

Soon as the dawn had brought the day,

I went to theek the stable, O;

I coost my coat, and ply'd away
As fast as I was able, O.

I wrought a' morning out an' out
As I'd been redding fire, O;
When I had done, and look'd about,

Gude faith it was the byre, O!-O! love! &c.

Her wily glance I'll ne'er forget;

The dear, the lovely blinkin' o't,

Has pierc'd me through an' through the heart,
An' plagues me wi' the prinklin' o't.

I try'd to sing, I try'd to pray,

I try'd to drown't wi' drinkin, o't;

I try'd wi' toil to drive't away,

But ne'er can sleep for thinkin' o't.-O! love!

Were Peggy's love to hire the job,

An' save my heart frae breakin', O,
I'd put a girdle round the globe,
Or dive in Corryvrekin, O;
Or howk a grave at midnight dark
In yonder vault sae eerie, O;
Or gang an'spier for Mungo Park

Through Africa sae dreary, O.-O! love! &c.

Ye little ken what pains I prove!
Or how severe my plisky, O!
I swear I'm sairer drunk wi' love

Than e'er I was wi' whisky, O;
For love has rak'd me fore an' aft,
I scarce can lift a leggy, O:
I first grew dizzy, then gaed daft,

An' now I'll dee for Peggy, O.-O! love! &c.

AULD ETTRICK JOHN.

TUNE-Rothiemurchus' Rant.

THERE dwalt a man on Ettrick side,
An honest man I wot was he;
His name was John, and he was born
A year afore the thirty-three.

He had a wife when he was young,
But she had deit, an' John was wae ;
He wantit land, at length did gang
To court the lassie o' the brae.

Auld John came daddin' down the hill,
His arms was waggin, manfullie;
He thought his shadow look'd na ill,
As aft he keek'd aside to see.

His shoon were four pound weight a-piece,
On ilka leg a ho had he;

His doublet strang was large an' lang,

His breeks they hardly reach'd his knee.

His coat was threed-about wi' green,

The mouds* had wrought it muckle harm; The pouches war an ell atween,

The cuf was faldit up the arm.

* Moths.

He wore a bonnet on his head,

The bung upon his shoulders lay, An' by the neb ye wad hae red

That Johnnie view'd the milky-way.

But yet for a' his antic dress,

His cheeks wi' healthy red did glow; His joints war knit, an' firm like brass, Though siller gray his head did grow: An' John, although he had nae lands, Had twa gude kye amang the knowes; A hunder pund i' honest hands,

An' sax-an'-thretty doddit yowes.

An' Nelly was a bonny lass,

Fu' sweet an' ruddy was her mou'; Her een war like twa beads o' glass,

Her brow was white like Cheviot woo; Her cheeks were bright as heather-bells, Her bosom like December snaw, Her teeth as pure as eggs' shells, Her hair was like the hoddy craw.

"Gudewife," quo' John, as he sat down, "I'm come to court your daughter Nell; An' if I die immediately,

She sall hae a' the gear hersel. An' if I chance to hae a son,

I'll breed him up a braw divine;

An' if ilk wish turn out a wean,

There's little fear that we hae nine."

Now Nelly thought, an' aye she leugh, "Our lads are a' for sogers gane; Young Tam will kiss an' toy enengh, But he o' marriage talketh nane. When I am laid in Johnnie's bed,

Like hares or lav'rocks I'll be free; I'll busk me braw an' conquer a'Auld Johnnie's just the man for me."

Wi' little say he wan the day,

She soon became his bonny bride; But ilka joy is fled away

Frae Johnnie's canty ingle side. She frets an' greets, an' visits aft,

In hopes some lad will see her hame; But never ane will be sae daft

As tent auld Johnnie's flisky dame.

An' John will be a gaishen soon;

His teeth are frae their sockets flown; The hair peel'd aff his head aboon; His face is milk-an'-water grown : His legs, that firm like pillars stood, Are now grown toom an' unco sma'; She's reav'd him sair o' flesh an' blood, An' peace o' mind-the warst ava.

« AnteriorContinuar »