Though mountains rise, and rivers roll,
And oceans rage between us,
If death me spare, I'll search for her
Through all the Carolinas.
Nor absence, time, nor balmy rest,
Nor grief, nor tears, can ease me;
I feel the time approaching fast
When a clay-cold bed will please me.
Then rest my head upon yon hill,
Where blows the blooming heather,
There first at Flora's feet I fell :
There oft we sat together!
How happy would my charmer seem!
How sorry when I left her!
I would not then have chang'd my seat
With him that sway'd the sceptre.
My prospect glow'd with fairest flowers,
From bliss no bounds to bar me:
Now dismal shades and dreary shores
With rueful murmurs scare me.
There was a time, no more I'll see,
I spent in mirth and ranging;
There was time when I was gay,
But times are always changing.
The times shall change, and moons shall wane, Yet I in love still languish ;
My tender heart must break in twain, Since nought can ease mine anguish.
I'M GANE A' WRANG, JAMIE.
TUNE-Up an' waur them a', Willie.
"O WHAT maks you sae dowie, lassie?
What maks you sae cheerless?
For wit, an' fun, an harmless glee,
My Peggy ay was peerless.
Ye're gane a' wrang, Peggy,
Ye're gane a' wrang, Peggy,
Ye've lost a frien', or catch'd the spleen,
Or for some lad thought lang, Peggy,"
"Yes, I hae catch'd a weary spleen
Has banish'd a' my mirth, Jamie;
An' I hae lost the dearest frien'
That e'er I ken'd on earth, Jamie.
I'm gane a' wrang, Jamie,
I'm gane a' wrang, Jamie,
For I've lien in an unco bed,
Ayont an unco man, Jamie."
"Ah, waes my heart for what ye've done! Ye canna hide it lang, Peggy;
How could ye use your love sae ill?
Ye have done a' wrang, Peggy.
Ye've gane a' wrang, Peggy,
Ye've gane a' wrang, Peggy,
Ye promis'd aft to marry me,
An' ay ere it was lang, Peggy.
"I'm unco wae to tak my leave; But that's the thing maun be, Peggy
I'll never like a lass sae weel,
Sin' I hae done wi' thee, Peggy.
Ye're gane a' wrang, Peggy,
Ye're gane a' wrang, Peggy,
Ye promis'd aft to marry me,
An' ay ere it was lang, Peggy."
"I weel deserve my hapless lot,
Ye war sae kind an' true, Jamie;
My broken heart will ne'er forget
How I've misused you, Jamie.
I'm gane a' wrang, Jamie,
I'm gane a' wrang, Jamie,
For I've lien in an unco bed,
Ayont an unco man, Jamie.'
"My dear, I ken ye've done amiss;
But blame was far frae thee, Peggy: I'll tell you what will gar you blushThe unco man was me Peggy.
We've done a' wrang, Peggy,
We've done a' wrang, Peggy;
We'll do the best that now remains,
An' wed ere it be lang, Peggy.
TUNE-Coming through the Rye.
My lassie, how I'm charm'd wi' you
'Tis needless now to tell;
Rut a' the flowers the meadow through,
Ye're sweetest ay yoursel' :
I canna, sleep a wink by night,
Nor think a thought by day;
Your image smiles afore my sight
Whate'er I do or say."
"Fye, Jamie! dinna act the part
Ye'll ever blush to own;
Or try to wile my youthfu' heart
Frae reason's sober throne:
Sic visions I can ne'er approve
Nor ony wakin' dream;
Then trust sic fiery furious love
I'd rather hae esteem."
"My bonny lassie, come away,
I canna bide your frown;
Wi' ilka flower, sae fresh an' gay,
I'll deck your bosom round:
I'll pu' the gowan off the glen,
The lily off the lee ;
The rose an' hawthorn bud I'll twine To make a bob for thee."
'Aye, Jamie, ye wad steal my heart
An' a' my peace frae me;
An' fix my feet within the net
Ere I my error see.
I trow ye'll wale the flowery race
My bosom to adorn ;
An' ye confess ye're gaun to place
Within my breast a thorn."
"How can my lassie be sae tart,
An' vex me a' the day?
Ye ken I lo'e wi' a' my heart,
What wad ye hae me say?
Ilk anxious wish an' little care
I'll in thy breast confide,
An' a' your joys an' sorrows share,
If ye'll become my bride."
"Then tak my hand, ye hae my heart;
There's nane I like sae weel;
|