contre l'orgueil et haultaineté de nos bastiments, il y ayt aussi là hault des esprits envieux des grandeurs de çà bas;

Usque adeò res humanas vis abdita quædam
Obterit; et pulchros fasces sævasque secures
Proculcare, ac ludibrio sibi habere videtur. (1)

et semble que la fortune quelquesfois guette à poinct nommé le dernier iour de nostre vie, pour montrer sa puissance de renverser en un moment ce qu'elle avoit basty en longues années; et nous faict crier, aprez Laberius,

Nimirum hac die

Una plus vixi mihi quàm vivendum fuit! (2)

Ainsi se peult prendre avecques raison ce bon advis de Solon (a): mais d'autant que c'est un philosophe, à l'endroict desquels (¿) les faveurs et disgraces de la fortune ne tiennent reng ny d'heur ny de malheur, et sont les grandeurs et puissances accidents de qualité à peu prez indifferente, ie treuve vraysemblable qu'il ayt regardé plus avant, et voulu dire que ce mesme bonheur

(1) Tant il est vrai qu'une force secrète se joue des entreprises des hommes, se plaît à briser les haches consuláires, et foule aux pieds l'orgueil des faisceaux. LUCRET. 1. 5, v.

1232.

(2) Ah! j'ai vécu trop d'un jour! MACROB. Sat. 1. 2

(a) Voyez le commencement du chapitre.

c. 7.

(b) C'est comme s'il y avoit : et qu'à l'endroict des philosophes, etc.

de nostre vie, qui depend de la tranquillité et contentement d'un esprit bien nay, et de la resolution et asseurance d'une ame reglee, ne se doibve iamais attribuer à l'homme, qu'on ne luy ayt veu iouer le dernier acte de sa comedie, et sans doubte le plus difficile. En tout le reste il y peult avoir du masque : ou ces beaux discours de la philosophie ne sont en nous que par contenance, ou les accidents ne nous essayant pas iusques au vif, nous donnent loisir de maintenir tousiours notre visage rassis; mais à ce dernier roolle de la mort et de nous, il n'y a plus que feindre, il faut parler françois, il fault montrer ce qu'il y a de bon et de net dans le fond du pot.

Nam veræ voces tum demum pectore ab imo

Eiiciuntur; et eripitur persona, manet res. (1)

Voyla pourquoy se doibvent à ce dernier traict toucher et esprouver toutes les aultres actions de nostre vie : c'est le maistre iour; c'est le iour iuge de touts les aultres; c'est le iour, dict un ancien, qui doibt iuger de toutes mes annees passees. Ie remets à la mort l'essay du fruict de mes estudes: nous verrons là si mes discours me partent de la bouche ou du cœur. J'ay veu plusieurs donner par leur mort reputation en

(1) Alors la nécessité nous arrache des paroles sincères; alors le masque tombe, et l'homme reste à découvert. LUCRET. 1. 3, v. 57.

bien ou en mal à toute leur vie. Scipion, beau pere de Pompeius, rabilla en bien mourant la mauvaise opinion qu'on avoit eu de luy iusques alors.

Epaminondas, interrogé lequel des trois il estimoit le plus, ou Chabrias, ou Iphicrates, ou soy mesme : « Il nous fault veoir mourir, dict il, avant que d'en pouvoir resouldre. » De vray, on desroberoit beaucoup à celuy là, qui le poiseroit sans l'honneur et grandeur de sa fin. Dieu l'a voulu comme il luy a pleu; mais en mon temps trois les plus exsecrables personnes que ie cogneusse en toute abomination de vie, et les plus infames, ont eu des morts reglees, et, en toute circonstance, composees iusques à la perfection. Il est des morts braves et fortunees: i'en ay veu quelqu'une trencher le fil d'un progrez de merveilleux advancement, et dans la fleur de son croist, d'une fin si pompeuse, qu'à mon advis les ambitieux et courageux desseings du mourant n'avoient rien de si hault que feut leur interruption : il arriva, sans y aller, où il prétendoit, plus grandement et glorieusement que ne portoit son desir et son esperance; et devança par sa cheute le pouvoir et le nom où il aspiroit par sa course (a). Au iugement de la vie d'aultruy ie

(a) Montaigne veut parler ici de son ami Étienne de La Boétie, à la mort duquel il assista. Voyez, dans cette nouvelle édition, le discours qu'il fit imprimer à Paris en 1571,

regarde tousiours comment s'en est porté le bout; et des principaux estudes de la mienne, c'est qu'il se porte bien, c'est à dire quietement et sourdement.

CHAPITRE XIX.

Que philosopher c'est apprendre à mourir.

Ce que c'est que philoso

CICERO dict (1) que philosopher ce n'est aultre
chose que s'apprester à la mort. C'est d'autant pher.
que l'estude et la contemplation retirent aul-
cunement nostre ame hors de nous, et l'em-
besongnent à part du corps, qui est quelque
apprentissage et ressemblance de la mort : ou
bien, c'est que toute la sagesse et discours du
monde se resoult enfin à ce poinct, de nous ap-
prendre à ne craindre point à mourir. De vray,
ou la raison se moque, ou elle ne doibt viser
qu'à nostre contentement, et tout son travail
tendre en somme à nous faire bien vivre, et à
nostre aise, comme dict la saincte escriture (2).

où il rapporte les particularités les plus remarquables de la maladie et de la mort de cet ami. N.

(1) Tota philosophorum vita commentatio mortis est. quæst. 1. I, c. 30-31.

Tusc.

(2) Et cognovi quòd non esset meliùs nisi lætari, et facere bene in vitá suá. Eccles. c. 3, v. 12.

Commentla volupté est le

de la vertu.

Toutes les opinions du monde en sont là, que le plaisir est nostre but; quoyqu'elles en prennent divers moyens aultrement on les chasseroit d'arrivee; car qui escouteroit celuy qui, pour sa fin, establiroit nostre peine et mesaise? Les dissensions des sectes philosophiques en ce cas sont verbales; transcurramus solertissimas nugas (1); il y a plus d'opiniastreté et de picoterie qu'il n'appartient à une si saincte profession mais quelque personnage que l'homme entreprenne, il ioue tousiours le sien parmy.

Quoy qu'ils disent, en la vertu mesme, le derbut et le fruit nier but de nostre visee, c'est la volupté. Il me plaist de battre leurs aureilles de ce mot qui leur est si fort à contrecœur et s'il signifie quelque supreme plaisir et quelque excessif contentement, il est mieulx deu à l'assistance de la vertu qu'à nulle aultre assistance. Cette volupté, pour estre plus gaillarde, nerveuse, robuste, virile, n'en est que plus serieusement voluptueuse : et luy debvions donner le nom du plaisir, plus favorable, plus doulx et naturel, non celuy de la vigueur, duquel nous l'avons denommee. Cette aultre volupté plus basse, si elle meritoit ce beau nom, ce debvoit estre en concurrence, non par privilege: ie la treuve moins pure d'incommoditez et de traverses, que n'est la vertu ;

(1) Ne nous arrêtons pas à ces subtilités frivoles. SENEC. epist. 117.