Deruentio, qui imbribus auctus & quasi irritatus sæpiùs ripas con-
temnit, & vicinis pratis superinfunditur, hinc Wreshill castrum
nitidum, & munitum præteriens quod Thomas Percius Vigorniæ
Comes construxerat, velocior sub Babthorpe quæ clare Equitum familiæ
nomen & mansionem præbet, in Ousam prosilit. Qui iam auctiores
vndas trahens delabitur prope Howden oppidum mercatorium, cuius
celebritas non est ab elegantia, aut frequentia, sed quod nomen terri-
toriolo adiuncto fecerit, (quod Howdenshire inde dicitur) & Collegi-
atam iampridem quinque Præbendariorum ecclesiolam ostendat, cui
adiunctæ sunt Dunelmensium Episcoporum ædes, qui amplissimas
possessiones eò loci habent. E quibus Walterus Skirlaw qui floruit
circa annum 1390, vt in libro Dunelmensi legitur, Campanile huius
ecclesiæ summæ magnitudinis construxit, vt si fortuita aquarum eueniret
inundatio, incolis esset perfugium.
CAMDEN.
PUBLISHED BY W. F. PRATT, BRIDGE-GATE,
AND SOLD BY ALL BOOKSELLERS.