vostre office et sur tout ce que vers nous povez mesprendre, que incontinent ces lectres veues vous fachiez de par nous criier et publiier à son de trompe par tous les lieux accoustumés à faire proclamacions oudit bailliage, que nul de quelconque estat qu'il soit, ne voist servir ledit de Bourgoingne en sadicte armée et congregacion par luy faicte, et que tous ceulx qui y sont alé, tantost et sans délay retournent en leurs maisons sur paine de perdre et confisquier pardevers nous corps et biens. Et pour ce que pluiseurs dudit bailliage notoirement sont en la compagnie dudit de Bourgoigne et aussi pluiseurs sont oudit bailliage de ses adhérens, confortans et favourables, qui contre nostre plaisir, volenté et ordonnance murmurent et ont murmuré et s'efforcent de séduire nostre bon peuple et subgez, donnent conseil, soulas et aide en tant qu'ilz pevent audit de Bourgoingne et en la faveur d'icelluy, si comme nous avons entendu, nous vous mandons et enjoingnons sur les paines devant dictes que tous les biens d'iceulx, meubles, hiretages et possessions, en quelconques lieux que ilz soient ès mettes de vostredit bailliage, et généralement de tous ceulx qui contre nosdictes lectres sont et se tiennent ou iront en sa compagnie, et ceulx quy luy bailleront ou donront conseil, soulas et aide, et aultrement sont favourables à sadicte mauvaise et dampnable intencion, vous le prenés incontinent ou faictes prendre et mettre en nostre main réallement, par telle ordonnance que vous vous aidiez de noz aultres mandemens sur ce bailliez. Et néantmoinz, se vous povez prendre aucuns desdiz delinquans et inobédiens, prenês les ou faictes prendre en quelconque lieu qu'ilz pourront estre trou

i

vez,
hors lieux sains, et iceulx pugnissez des paines
devant dictes ou aultrement, selon leurs démérites,
ainsi
que raison sera. Et se ceulx vous ne povez pren-
dre, faictes les appeller à nos drois par proclamacion
publique et sur paine de bannissement et confiscacion
de leurs biens. Et avecques ce, commandés de par
nous par sollempnelle publicacion ainsi qu'il est dit,
noz vassaulx et aultres quy ont accoustumé de porter
armes, que incontinent ilz viengnent pardevers nous
à la plus grant force et compagnie qu'ilz porront, pour
nous servir et résister à la mauvaise volenté et inten-
cion dudit de Bourgoingne et de ses complices, et à
eulx mettre et ramener en nostre subjection et obéis-
sance ainsi qu'ilz doivent estre, et iceulx pugnir et
corrigier de leurs mesfaiz et offences, et tout selonc la
fourme de noz aultres certaines lectres sur ce à vous
nagaires adréchiez. Et faictes tant ès choses devant-
dictes et és deppendences d'icelles, que nous n'ayons
cause de procéder contre vous par deffaulte de non
avoir obéy à nous. Donné à Paris le xxo jour de février,
l'an de grace mil ш et x et de nostre règne le
XXXIII. Ainsi signées : Par le Roy: à la relacion de son
grant conseil, tenu par la Royne et monseigneur le
duc d'Acquittaine.

J. DU CHASTEL.

(Bibl. imp., ms. Supp fr. 93, fol. 207, vo.)

Comment Sagimont, roy de Bohaigne, fu en cest an esleu roy d'Allemaigne et recheupt les seremens de la plus grant partie des seigneurs du pais. VIVIX chapitre.

(Addition à la p. 43 du t. III.)

Én la fin du mois d'obtembre Saigremont de Belaigne, roy de Hongrie, de Tromache et de Damas, vaillans homs en armes et catholicques, et la royne sa femme, fille du conte Cylien en Esclave, en moult grant appareil viendrent à Aquigranye. Lequel Saigremont fu premièrement esleuz en roy d'Allemaigne par ceulx d'Allemaigne ordonnés ad ce. Après ce, il fu promeu en Empereur Romain, et le vir jour du moys de novembre consacrés et couronnés par l'archevesque de Coulongne en l'église de Nostre-Dame de Acquigranye, comme il est de coustume; et après, devoit estre confermés par le pappe de Romme. Après ce, luy et sadicte femme rechuprent pour la plus grant partie les hommages et seremens de ceulx dudict royaume; promettans de aller au concille général à Constance pour le bien de toute l'Eglise universelle. Lequel concille devoit estre tenu l'an mil IIII et XII ou moys d'apvril par ce pappe Alexandre ou son successeur. Mais il a esté prolunghiés jusques à maintenant. Icelle cité de Constance est ou province de Mayence sur l'iaue du Rin. Et est déclarié que ledit concille ainsi prolunghiez, sera tenus par le pappe Jehan XXIIII° de ce nom, successeur dudit Alexandre. S'ensièvent les noms de ducz, prélatz, contes, barons et aultres, qui furens présens à Acquisgranye à la conacion dudit roy Saigremont, audit jour vir dudit mois de novembre, l'an mil IIII et XIIII. Première

ment le duc Loys en Bavière, le conte Palatin du Rin, esleisseur du roy d'Allemaigne à estre promeuz en empereur, le duc de Sacxone, pareillement esliseur du roy d'Allemaigne, et le mareschal de l'Empire, burgrave de Norenberghe, qui fist l'office du marquis de Brandeburghe, esliseur du roy d'Allemaigne. Et aultres ducz, et assavoir de Lorraine, de Guelles, de Jullers, de Walgast, et Tede, duc de Russie. Et deux archevesques, est assavoir de Coulongne et de Trèves, finallement esliseurs du roy d'Allemaigne à estre promeuz en empereur. Item, Jehan, duc en Bavière, esleu du Liège, duc de Buillon et conte de Los. Item, le conseil du roy de Behaingne, esliseurs d'Allemaigne et de l'Empire, le conseil de l'archevesque de Mayenne, aussi esliseurs d'Allemaigne et de l'Empire, V évesques, est assavoir Wisebourg, de Passot, de Saint Piride, de Aylac. En Honguerie, de la Cure. Et le Grand maitre de l'Ospital des frères des Allemans, est assavoir de Pruces, le conte de Clèvez. Item, Acrisaire, filz du marquis de Montferant. De Meurs et de Saasbourg, le seigneur de Hondeshon. Item, de Suassebourch seigneur de Ranus. Item, de Zame, et trois contes de Nausson, le conte de Cassuelbonne et son filz, les contes de Haulte-Pierre et de Linguenhen, et deux autres contes avec luy, les contes de Raynech et Hayneberch, de Viecten, de Mestan, et deux autres contes avec luy, de Disly, de Villestain, de Wide, de Blancquehem, de Sainette, de Viestain, sire Jehan Chaule, viscontes de Millan, et le seigneur de Brinior, de Bestille, le seigneur de Banonne. S'ensieut ceulx de Hongherie. Premièrement Charles Nycolay, grant conte de Hongherie, Marcial Nycolay son

filz, conte de Tenuse, Wart, seigneur de Sciebourg, gouverneur de VII chastelz, deux contes ambassadeurs de Villac du pays de Servie, Vurguesian, Vaidasiandrias, Péduricolans, Lasque Jacob jadis de Vaida, Lasqudam son frère, le conte Jehan de Carnassie, le conte George de Carnassie, Penyemerich, sire Laurens de Ront de Pasco, le seigneur Taite Nycolay sire Clechy, Nycolay sire Janus Vaida, grant maistre d'ostel du roy Saigremont, sire Beaufie de Symon Perrin, Emeric Thumas, Pérism Resgony, Estrewan Nostrespan Sy Vaida desur Chaepietre, mareschal de Honguerie. Item, les barons de Behaingne qui furent présens à ladicte coronacion ausdiz jour et lieu: Premièrement, sire Guillaume le Haze, sire Winchelan de Douy, ung sire seigneur de Lida, et III barons de son lignague avec luy, sire Gaspar de Douy, le seigneur de Illebourch, le seigneur de Blentuenon, sire Andrieu Balesqui. S'ensievent les barons de la Basse Allemaigne : le seigneur de Hausseberch, le damoiseau d'Ercles, sire Jehan de Namur, les seigneurs de Haynnau, de Lembourg et Vinstghen, de Bolay, de Picquebat, et deux aultres barons avec luy, de Havrech, de Vinsebarche, de Roncle, sire Fulcho de Honnestain, Bourgrans de Raynech, les seigneurs Holloch de Westrebourch de Connebourch et deux aultre (sic) barons avec luy, sire Florin du Bos, les seigneurs de Horne et d'Erlre, sire Fucho de Coulongne, mareschal d'Absettes, sire Othe de la Becque, le seigneur de Zevemberghe, le seigneur de Marc. S'ensievent les ambassadeurs présens à ladicte coronacion, envoyés d'aucuns princes et de autres. Premièrement les ambassadeurs du roy de Behaigne, les ambassadeurs du roy