Bl. I a.

Bl. 1 b.

I.

De los sos oios tan fuerte mientre lorando
Tornaua la cabeça e estaua los catando.
Vio puertas abiertas e vços sin cañados,
Alcandaras uazias sin pielles e sin mantos,

5 E sin falcones e sin adtores mudados.

Sospiro myo Çid, ca mucho auie grandes cuydados.
Fablo myo Çid bien e tan mesurado:

,,Grado ati, señor padre, que estas en alto,
Esto me an buelto myos enemigos malos."
10 Alli pienssan de aguiiar, alli sueltan las rriendas.
A la exida de Biuar ouieron la corneia diestra,

E entrando a Burgos ouieron la siniestra.

Meçio myo Çid los ombros e engrameo la tiesta:
„Albricia, Albarffanez, ca echados somos de tierra!"

15 Myo Çid Rruy Diaz por Burgos entraua;

En su conpaña LX pendones leuaua. Exien lo ver mugeres e
Burgeses e burgesas por las finiestras son puestos,
Plorando de los oios, tanto auyen el dolor.

De las sus bocas todos dizian una rrazon:
20,,Dios, que buen vassalo si ouiesse buen señor!"
Conbidar le yen de grado, mas ninguno non osaua:
El rrey don Alfonsso tanto auie la grand saña.
Antes de la noche en Burgos del entro su carta,
Con grand rrecabdo e fuerte mientre sellada:

[uarones,

25 Que a myo Çid Rruy Diaz, que nadi nol diessen posada,
E aquel que gela diesse sopiesse uera palabra,

Que perderie los aueres e mas los oios de la cara,

E aun demas los cuerpos e las almas.

Grande duelo auien las yentes christianas;

30 Ascondense de myo Çid, ca nol osan dezir nada. Vollmöller, Poema del Cid.

541.15